GINEFLIEHEE man parentes, amigos, man atungoho, yan interamente residenten Precinct 2 inembrabrasa patti gi as Lito yan As Perdido, todo patti gi halom Chalan Kanoa yan Susupe. Guaho si Daniel Evangelista Aquino, tatan Daniel I. Aquino, Jr. kumandidadato Independent para i House of Representative. Kon hunimitde, respeto, yan gasgas na intension, hu gagagao ayudun miyo “BOTU” para i lahihu gi dia 3 de Noviembre 2007.
I lahihu ha deside para hu independent kosa que i nesisidad yan interes miyo hu fofona sumetbi yan promutehi en lugat de nesesidad pot interes i pattida pat unos cuantos taotao. Taya malinik ulo sa ti pumattitida gui. Serioso i problema ni tafafana pago yan para I man mamamaila na tiempo pot probleman CUC, hosptitat, escuela, chalan, retirement fund, choco (pues doku otro problema, pot federalization of minimum wage and immigration take over), yan otro siha na problema ni hagas debi de uma aregla lao en lugat de uma aregla mas ma disaregla. I ma dispachan setbisio yan sisteman gobiernamento ha nesisita u ma adelanta mas ya debi na uguaha confiansa yan gasgas na siensia gi empleao yan kabesanti siha. Debi de umana para i checho ti man kombiene yan inaplacha.
I ayudu yan botun miyo ti u lastima ya ti infan mahmahlao sa honesto, sincero, respetao, yan qualificao i candidatu. Ma gradua gi unibersidad, oficiat gi Army Engineer, oficiat gi cotten Guam, yan bumibisnis. Kapas yan listo para hu protehi i interes publico yan proteksion i chachaflik tanota Marianas. Pues pot eso na hu sosoyu yan hu gagahao hamyo ayudo ya ta bota si Daniel Aquino Jr. gi dia 3 de Novembre 2007, Independent No. 4 gi balotu, ya hu representa yan hu protehi i interest cada uno giya hita gi gima Kongressu. Si Yuus ma’ase.
Kon Respecto,

DANIEL E. AQUINO SR.
(Tata)
Finasisu, Saipan